1 րոպեի ընթերցում
ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի ազգային հավաքականի եւ ռուսական «Կրասնոդար»-ի խաղացող Յուրա Մովսիսյանը Ճանաչվել է ակումբի լավագույն ֆուտբոլիստ:
Ինչպես հաղորդում է «Արմենպրես»-ը, վկայակոչելով «Կրասնոդար»-ի պաշտոնական կայքը, Մովսիսյանը կայքի անցկացրած քվեարկության արդյունքում առաջին հորիզոնականում է հայտնվել ձայների 71 տոկոսով: Երկրորդ տեղում է կիսապաշտպան Եվգենի Շիպկինը: Երրորդ տեղում բրազիլացի ֆուտբոլիստ Զոազինիոն է:
Կայքը «Կրասնոդար»-ի լավագույն ֆուտբոլիստի ընտրությունն անցկացնում էր դեկտեմբերի 20-ից: