«Հայաթ Քյափիթալ Գեյթ» հյուրանոցն իր ոճով գրանցվել է Գինեսի գրքում

ԱԲՈՒ ԴԱԲԻ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Դեկտեմբերի 21-ին Աբու Դաբիում բացվել է «Հայաթ Քյափիթալ Գեյթ» հյուրանոցը, որն առաջարկում է 189 հնգաստղանի սենյակներ:

Ինչպես հաղորդում է «Արմենպրես»-ը, վկայակոչելով արաբականhttp://www.alittihad.ae -ը, 80 մետր բարձրություն ունեցող հյուրանոցը գտնվում է մայրաքաղաքի կենտրոնում եւ զարդարում է ամենահայտնի շինությունը:

18 հարկանի հյուրանոցում տեղակայված են 167 պարզ, 22 լյուքս համարներ, որտեղից բացվում է ծովի եւ քաղաքի հիանալի տեսարան: Սենյակների մակերեսը 40-160 քառ. կմ է:

Հյուրանոցային սենյակները կահավորված են ամենաժամանակակից կահույքով, տեխնիկայով եւ հանգստի համար նախատեսված բոլոր միջոցներով:Այն նաեւ հիանալի վայր է տոնակատարություններ կամ խորհրդակցություններ կազմակերպելու համար:

Հյուրանոցը կառուցվել է 18 աստիճան թեքությամբ, որը 4 անգամ գերազանցում է Պիզայի աշտարակին: «Հայաթ Քյափիթալ Գեյթ» հրաշալի հյուրանոցը իր ոճով գրանցվել է Գինեսի ռեկորդների գրքում: