368.59
Սուքիաս Ավետիսյանի կարծիքով` պետք է աշխատանքով սպիացնել երկրաշարժի պատճառած վերքերը
2 րոպեի ընթերցում
ԳՅՈՒՄՐԻ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Դեկտեմբերի 7-ին գյումրեցիների հետ աղետի կորուստը սգալու եւ անմեղ զոհերի հիշատակը հարգելու համար Գյումրիում էին նաեւ ՀՀ ԱԺ պատգամավորները: Աղետի գոտու վերականգնմանն ուղղված ԱԺ աշխատանքերը «Արմենպրես»-ի թղթակցին ներկայացնելով' ՀՀ ԱԺ ՀՀԿ խմբակցության պատգամավոր Սուքիաս Ավետիսյանը նշեց, որ Ազգային ժողովը փորձում է օրենսդրորեն կարգավորել այն դաշտը, որն անհրաժեշտ է նաեւ աղետի գոտու հիմնախնդիրները լուծելու համար:
Բացի այդ, ամեն տարի պետական բյուջեից հատկացված գումարների շնորհիվ, ակնառու է, որ արդեն լուծվում է անօթեւանների խնդիրը:
«Այսօր մեզ համար ամենակարեւոր եւ գերակա խնդիրը մնում է գործազրկությունը, որը լուծումը կբարելավի բնակիչների սոցիալական վիճակը: Դրա հետ կապված՝ ԱԺ-ն ընդունել է ազատ տնտեսական գոտիների մասին օրենք, որտեղ հստակ խնդիր է դրվել, որ Գյումրիում նույնպես պետք է ունենանք նման գոտի, որով կխթանենք աշխատատեղերի ստեղծումը: Գյումրիում, կա նաեւ «Տեխնոպարկ»ի ծրագիրը, որը նույնպես լրացուցիչ խթան կհանդիսանա ներդրումների համար: Սա հիմնական այն խնդիրներն են, որ ԱԺ-ում դրվել է աղետի գոտու հետ կապված: Այսօր հիշատակի օր է, եւ ամեն մի հայ պարտավոր է հիշել ու ցավակցել: Հիշելով նահատակներին՝ պետք է կարողանանք նաեւ աշխատանքներով սպիացնել այն վերքերը, որ դեռեւս մնում են աղետի գոտում»,-նշեց Ավետիսյանը:
Բաժանորդագրվեք մեր ալիքին Telegram-ում