1 րոպեի ընթերցում
ՎԱՆԱՁՈՐ, 17 ՆՈՅԵՄԲԵՐԻ, ԱՐՄԵՆՊՐԵՍ: Ախթալայի «Մեթըլ Փրինս» կորպորացիայի սեփականատեր, մանկապղծության մեջ մեղադրվող Սերոբ Տեր-Պողոսյանին Լոռու մարզի ընդհանուր իրավասության դատարանը դատապարտեց 15 տարվա ազատազրկման: Ինչպես «Արմենպրես»-ի' Լոռու մարզի թղթակցին հայտնեց դատավոր Մուշեղ Հարությունյանը, ազատազրկման ժամկետը հաշշվում է նրա ազատազրկման սկզբից՝ այս տարվա փետրվարից: Որոշումը կարող է մեկամսյա ժամկետում բողոքարկվել Վերաքննիչ քրեական դատարանում: