1 րոպեի ընթերցում
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Միջազգային շահագրգռվածությունը հայ-թուրքական հարաբերությունների կարգավորման հարցում ի սկզբանե եղել է եւ այժմ էլ շարունակում մնալ: Ինչպես այսօր լրագրողների հետ հանդիպման ժամանակ ասաց թուրքագետ Հակոբ Չաքրյանը, հայ-թուրքական հարաբերություններում տեղաշարժ չկա, ու մոտ ապագայում չի էլ ակնկալվում: «Թուրքիայի ազգային ժողովի օրակարգը ծանրաբեռնված է առաջնահերթ խնդիրներ համարվող' նոր սահմանադրության մշակումով ու Վանի երկրաշարժով»,- նշեց թուրքագետը' հավելելով, որ թեպետ այդ հարցերը չեն կապվում արձանագրությունների ու երկու երկրների հարաբերությունների հետ, սակայն երկրորդ պլան են մղում դրանք:
Չաքրյանի խոսքով'տարծաշրջանում առկա լարվածությունից բացի' Թուրքիայի ներսում ակտիվացել է քրդական շարժումը: «Արաբական գարունը դարձավ ձմեռ, բայց այն երկրներում, որտեղ հեղափոխություններ են կատարվում, խաղաղություն չի հաստատվում, իսկ իշխանափոխություններն այդ երկրներում ժողովրդավարության չեն հանգեցնի»,- համոզմունք հայտնեց թուրքագետը: