1 րոպեի ընթերցում
ԿԱՊԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Տեղական ինքնակառավարման մարմինների հերթական ընտրությունները Սյունիքում կանցկացվեն դեկտեմբերի 18-ին: Սյունիքի մարզպետ Սուրիկ Խաչատրյանի որոշմամբ, այդ օրը ՏԻՄ ընտրություններ են նշանակվել մարզի 5 գյուղական համայնքներում:
Ինչպես հաղորդում է «Արմենպրես»-ի' Սյունիքի թղթակիցը, ըստ որոշման' մարզի Չափնի, Աշոտավան եւ Վաղատուր համայնքներում կանցկացվեն համայնքի ղեկավարի, իսկ Ալվանք եւ Նժդեհ համայնքներում' ավագանու ընտրություններ: Թեկնածուների առաջադրման ժամկետը սահմանվել է նոյեմբերի 13-18-ը: Նորընտիր ՏԻՄ-երն իրենց լիազորությունները կստանձնեն եկող տարվա հունվարի 24-ից: