368.59
Շիրակի որոշ համայնքներ չունեն դպրոցի տնօրենի հավակնորդ
1 րոպեի ընթերցում
ԳՅՈւՄՐԻ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Շիրակի մարզում ընթացքի մեջ են դպրոցների տնօրենների մրցույթները: Դրանք կազմակերպվում են' համաձայն ժամանակացույցի եւ սահմանված կարգի:
Ինչպես «Արմենպրես»-ի թղթակցին տեղեկացրեց մարզպետարանի կրթության վարչության առաջատար մասնագետ Ջեմմա Ավետիսյանը, մարզի երեսուներեք դպրոցներում արդեն հայտարաված են տնօրենների թափուր աշխատատեղի համար մրցույթներ: Մյուս դպրոցներն առաջիկայում կհայտարարեն մրցույթի մասին:
«Արդեն մի քանի դպրոցներում ընտրությունները կայացել են. ունենք ընտրված տնօրեններ: Կա դպրոց, որտեղ մրցույթը չի կայացել հավակնորդի բացակայության պատճառով: Դպրոցի տնօրենների հավակնորդներ չկան մարզի որոշ գյուղական համայնքներում: Եթե մրցույթը չի կայանում, կամ մրցույթի արդյունքում տնօրեն չի ընտրվում, սահմանված կարգով, հայտարարվում է նոր մրցույթ, որին կարող են մասնակցել, ինչպես նոր, այնպես էլ այն հավակնորդները, ովքեր դիմել, բայց չեն անցել անցած մրցույթներում»,- նշեց Ջ. Ավետիսյանը:
Մարզում հիմա նաեւ ընթանում է հավաստագրման համար վերապատրաստման երկրորդ փուլը, որին կհետեւի հավաստագրման քննությունների գործընթացը:
Բաժանորդագրվեք մեր ալիքին Telegram-ում