1 րոպեի ընթերցում
ՎԱՇԻՆԳՏՈՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկյան Adobe Systems Inc-ի զուտ շահույթը' ըստ US GAAP-ի, 2011 ֆինանսական տարվա երրորդ եռամսյակում (ավարտել է սեպտեմբերի 2-ին) կազմել է 195,1 մլն դոլար անցյալ տարվա համապատասխան ժամանակաշրջանի 230 մլն դոլարի դիմաց: Այդ մասին ասված է ընկերության նյութերում:
Հաշվետու ժամանակաշրջանում ընկերության հասույթը կազմել է 1,013 մլրդ դոլար' 2010 ֆինանսական տարվա երրորդ եռամսյակի 990 մլն դոլարի դիմաց: Մեկ բաժնետոմսի հաշվով շահույթը նվազել է 11,4 տոկոսով' մինչեւ 0,39 դոլար' անցած ֆինանսական տարվա երրորդ եռամսյակում մեկ բաժնետոմսի հաշվով 0,44 դոլարի դիմաց:
Adobe Systems-ի կանխատեսման համաձայն' չորրորդ եռամսյակում հասույթը կկազմի 1,075-1,025 մլրդ դոլար, մեկ բաժնետոմսի հաշվով շահույթը' 0,41-0,5 դոլար:
Adobe Systems Inc.-ը զբաղվում է ամեն տեսակ տվյալների մշակման համար միջոցների թողարկմամբ, ներառյալ' տեքստային տեղեկատվությունը, գրաֆիկական պատկերումը, տեսա- եւ web-կոնտենտը: 2010 թվականին ընկերության հասույթը կազմել է 3,8 մլրդ դոլար: