Վ. Գրիգորյանը վերընտրվել է Գյումրիի մանկավարժական ինստիտուտի ռեկտոր

ԳՅՈՒՄՐԻ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Վարդեվան Գրիգորյանը վերընտրվել է Գյումրիի Մ. Նալբանդյանի անվան պետական մանկավարժական ինստիտուտի ռեկտորի պաշտոնում:

Սեպտեմբերի 3-ին կայացած փակ գաղտնի քվեարկության' 21 կողմ եւ 0 դեմ արդյունքով, Վ. Գրիգորյանը ճանաչվել է բուհի ռեկտոր: Ինչպես հաղորդում Է «Արմենպրես»-ի Գյումրիի թղթակիցը՝ Վ. Գրիգորյանը միակն էր, ով առաջադրել էր իր թեկնածությունը' բուհի ռեկտորի թափուր պաշտոնի համար հայտարարված մրցույթին, որի վերջնաժամկետ էր օգոստոսի 25-ը: Ընտրությանը ներկա էին ՀՀ կրթության եւ գիտության փոխնախարար' Մանուկ Մկրտչյանը, կրթության նախարարության ներկայացուցիչներ, ինչպես նաեւ բուհի կառավարման խորհրդի նախագահ,Շիրակի մարզպետ' Աշոտ Գիզիրյանը, բուհի կառավարման խորհրդի անդամներ: