Մաքրվեցին Սիսիան քաղաքի ջրային հայելիները

ՍԻՍԻԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ:Սիսիանում ավարտման փուլում են գտնվում քաղաքի երկու ջրային հայելիների սանիտարական մաքրման եւ բարեկարգման աշխատանքները, որի համար ՀՀ կառավարությունը պահուստային ֆոնդից տրամադրել է 55 մլն դրամ: Որոտան գետի վրա կառուցված է 39 հազ. քառ մ ընդհանուր մակերեսով ջրային հայելիները մաքրման չեն ենթարկվել ավելի քան մեկ տասնամյակ, ինչի արդյունքում առաջացած հակասանիտարական վիճակը համաճարակների բռնկման պատճառ կարող էր դառնալ:

Տիղմի հաստությունը որոշ տեղերում հասնում էր 70 սմ-ից մինչեւ 1 մետրի: Ջրային հայելիների սանիտարական մաքրման աշխատանքներին զուգահեռ կատարվել են նաեւ հենապատերի ամրացում: «Աշխատանքներն իրականցվել են շատ արդյունավետ, ամբողջովին վերացել են շրջապատի գարշահոտությունն ու մժեղների պարսերը: Սա շատ կարեւոր խնդիր էր քաղաքի համար, որ լուծվեց, բանկիչները շատ գոհ են», - «Արմենպրես»-ի Սյունիքի թղթակցի հետ զրույցում ասաց Սիսիանի քաղաքապետ Աղասի Հակոբջանյանը: