368.59
Սեպտեմբերի 29-ին Մարալիկում կանցկացվեն համայնքապետի ընտրություններ
1 րոպեի ընթերցում
ԳՅՈՒՄՐԻ, 31 ՕԳՈՍՏՈՍԻ, ԱՐՄԵՆՊՐԵՍ: Սեպտեմբերի 29-ին Մարալիկում կանցկացվեն համայնքապետի ընտրություններ:Երեկ, թիվ 36 Ընտրատարածքային ընտրական հանձնաժողովում տեղի ունեցավ թեկնածուների գրանցման գործընթացը, որի արդյուքում ընտրապայքարին կմասնակցեն երկու թեկնածուներ' ներկայիս համայնքի ղեկավար' Արտակ Սամվելի Գեւորգյանը (ՀՀԿ) եւ Աղասի Սպարտակի Կարապետյանը (ՀՀԿ): Ի դեպ, Արտակ Գեւորգյանը, չնայած իր երիտասարդ տարիքին' 1977 թվականին ծնված, առաջադրվում է երրորդ անգամ' երկու անգամ անընդմեջ վերջինիս հաջողվել է ընտրվել համայնքի ղեկավար:
Նշենք, որ, ըստ ընտրական օրենսգրքի' սեպտեմբերի 7-ից կմեկնարի քարոզարշավը, որը կտեւի մինչեւ սեպտեմբերի 23-ը:Մարալիկում ավագանու անդամների ընտրություններ տեղի կունենան հաջորդ տարի:
Ինչպես «Արմենպրես»-ի թղթակցին տեղեկացրեց Շիրակի մարզպետարանի աշխատակազմի տեղական ինքնակառավարման մարմինների եւ համայնքների հարցերի բաժնի պետ' Ռուբեն Հարությունյանը, սեպտեմբերին ավագանու արտահերթ ընտրություններ տեղի կունենան Լեռնագյուղ համայնքում, իսկ հոկտեմբերին' Ողջիում: Ողջիում ավագանու ընտրությունները հերթականն է:
Բաժանորդագրվեք մեր ալիքին Telegram-ում