Երկօրյա այցով Տավուշի մարզ կժամանի Կրասնոդարի մարզի պատվիրակությունը

ԻՋԵՒԱՆ, 29 ՀՈՒԼԻՍԻ, ԱՐՄԵՆՊՐԵՍ:Հուլիսի 30-31-ը երկօրյա պաշտոնական այցով Տավուշի մարզ է ժամանելու ՌԴ Կրասնոդարի երկրամասի պատվիրակությունը: Ինչպես «Արմենպրես»-ին տեղեկացրին Տավուշի մարզպետարանից, երկու մարզերի միջեւ առկա բարեկամական հարաբերությունների շրջանակներում նախատեսվում է ստեղծել լայն փոխհամագործակցություն: Քննարկվելու են երկկողմ գործակցության տարբեր հարցեր, մասնավորապես, նախատեսվում է համագործակցել գյուղատնտեսության եւ տուրիզմի ոլորտներում: Հնարավոր է համագործակցություն նաեւ արդյունաբերության մեջ:

Տեղեկացնենք, որ Տավուշի մարզը, ի թիվս այլ քաղաքների եւ մարզերի, բազմամյա համագործակցային փորձ ունի Իտալիայի Ճենովա-Վենեցիա մարզի, Գերմանիայի Բավարիայի երկրամասի Ռեգենի շրջանի հետ: