1 րոպեի ընթերցում
ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ: Եվրախորհրդարանի նախագահ Եժի Բուզեկը պաշտոնական այցով կլինի Հայաստանում մայիսի 18-ին: Ինչպես «Արմենպրես»-ը տեղեկացավ Եվրոպական խորհրդարանի մամուլի ծառայությունից, Հայաստան այցելությամբ մեկնարկում է Ե. Բուզեկի տարածաշրջանային այցը: Նա նաեւ կայցելի Վրաստան եւ Ադրբեջան:
Ըստ օրակարգի' այցի ընթացքում Ե. Բուժեկը հանդիպումներ կունենա ՀՀ նախագահ Սերժ Սարգսյանի, Ազգային ժողովի նախագահ Հովիկ Աբրահամյանի, ԵՄ-Հայաստան խորհրդարանական համագործակցության հանձնաժողովի եւ խորհրդարանական բոլոր կուսակցությունների անդամների հետ: Եվրոպական խորհրդարանի նախագահը հանդիպումներ է ունենալու նաեւ ընդդիմության, քաղաքացիական հասարակության ներկայացուցիչների հետ:
Ազգությամբ լեh Եժի Բուզեկը ընտրվել է Եվրախորհրդարանի նախագահ 2009թ. հուլիսի 14-ին: Նա ԵՄ նորանդամ պետություններից ընտրված առաջին նախագահն է: