1 րոպեի ընթերցում
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: «Լեռնային Ղարաբաղի հակամարտության շուրջ ներկայիս «ստատուս քվոն» կպահպանվի դեռ երկար ժամանակ»,- այսօր լրագրողների հետ հանդիպման ժամանակ նման տեսակետ հայտնեց Սանկտ Պետերբուրգի պետական համալսարանի քաղաքագիտության եւ փիլիսոփայության ֆակուլտետի միջազգային քաղաքական գործընթացների ամբիոնի վարիչ, պրոֆեսոր Վալերի Աչկասովը:
Նրա խոքսով' ղարաբաղյան հարցի կարգավորման գործընթացի ներկայիս իրավիճակն այն փուլում է, որ դժվար թե առաջիկայում հնարավոր լինի գտնել խնդրի լուծում: «Ադրբեջանն ավելացնելով իր ֆինանսական հոսքերը' կփորձի ժամանակ առ ժամանակ սրացնել իրավիճակը սահմանին, սակայն պատերազմի հավանականությունը քիչ եմ համարում»,- ասաց նա' ավելացնելով, որ գործընթացի ներկայիս «սառեցված» վիճակը երկար ժամանակ կպահպանվի: