Ղ.Ուլիխանյան «Չկորցնելով դեղերի ԱՊՀ շուկան` պիտի կարողանանք նվաճել նոր շուկաներ»

2 րոպեի ընթերցում

ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի դեղերի շուկայում այսօր գրանցված է շուրջ 4000 անուն դեղ, սակայն մրցակցային պայմաններում առավել ցածր գին ունենալու համար անհրաժեշտ է ունենալ նվազագույնը 7-8 հազար անուն դեղ. «Արմենպրես»-ի հետ զրույցում այսօր նշեց «Հայկական դեղագործական ասոցիացիա»-ի նախագահ Ղուկաս Ուլիխանյանը: Հայկական դեղարտադրողները 14-ն են, եւ արտադրանքի 48-50%-ն արտահանվում է ԱՊՀ երկրներ:

«Մեզ համար կարեւոր է, որ չկորցնելով մեր ԱՊՀ շուկան` կարողանանք նվաճել նաեւ նոր շուկաներ»,- ասաց նա` GMP համակարգին ընդառաջ գնալու ծրագրերի համատեքստում դա համարելով միակ ռացիոնալ ուղին: ՀՀ կառավարությամբ որոշմամբ` մինչ 2012թ-ը Հայաստանում պետք է ներդրվի GMP- good manufacturing practice`դեղերի պատշաճ արտադրողական գործընթաց, համակարգը, որով, ըստ Ղ.Ուլիխանյանի, դյուրին կդառնա դեղերի եւ ներկրումը, եւ հայկական արտադրության արտահանումը:

Նա տեղեկացրեց, որ այսօր մեկ անուն դեղը գրանցելու համար վճարվում է 9 հարյուր հազար դրամ, եւ գրանցման գործընթացը տեւում է շուրջ երեք ամիս, քանի որ կատարվում են բոլոր լաբորատոր ստուգումները: Նույն դեղը տարբեր դեղաչափով կամ տարբեր կիրառման ձեւով ներմուծվելու դեպքում գրանցվում է համապատասխանաբար մոտ կես գնով: Ղ.Ուլիխանյանի կարծիքով` եւ գրանցման գինն է բարձր, եւ երկարատեւ է գործընթացը:

«Ես կարծում եմ, որ ճիշտ կլինի հետեւել այլ երկրների օրինակին, որոնք, որպես հիմք ընդունելով եվրոպական փորձագետների կարծիքը, գրանցման գործընթացը կարճացնում են մինչեւ մեկ շաբաթ»,- նշեց նա: «Այսօր Հայաստանում գործում են 1000-ից ավելի դեղատներ եւ մոտ 50 դեղ ներմուծողներ»,- ասաց նա` հավելելով, որ բացառվում է այս ոլորտում մենաշնորհային տնտեսությունը:

«Նույն, ասենք` եվրոպական որեւէ արտադրողից Հայաստան դեղ են ներմուծում մի քանի կազմակերպություններ: Դրանով կանխվում է գնի կամայական սահմանումը»,- նշեց ասոցիացիայի նախագահը:

Հայերեն

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն