Ադրբեջանը բարձրացրել է տղամարդակնաց եւ կանանց կենսաթոշակային տարիքը

ԲԱՔՈՒ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի խորհրդարանն այսօր օրինագիծ է ընդունել տղամարդկանց եւ կանանց կենսաթոշակային տարիքը 2010 թ-ի հունվարի 1- ից համապատասխանաբար 63 եւ 60 տարին դարձնելու մասին: Ադրբեջանի խորհրդարանի սոցիալական քաղաքականության հանձնաժողովի ղեկավար Խադի Ռաջաբլին լրագրողներին ասել է, որ օրենքի նոր կարգավորմամբ տղամարդկանց համար կենսաթոշակային տարիքը սկսած 2010 թ-ի հունվարի 1-ից մինչեւ 2012 թ-ի հունվարի 1-ը, իսկ կանանց համար` սկսած 2010 թ-ի հունվարի 1-ից մինչեւ 2016 թ- ի հունվարի 1-ը, ամեն տարի պետք է բարձրացվի 6 ամսով, հասցնելով, համապատասխանաբար, 63 եւ 60 տարիքի: Նորամուծությունների համաձայն, տարիքի հետ կապված աշխատանքային կենսաթոշակ տրվում է այն թոշակառուներին, որոնք ունեն 12 տարվա ապահովագրական ստաժ (բացառությամբ նրանց, ում կեմսաթոշակը նշանակվել է մինչեւ այդ օրենքի ուժի մեջ մտնելը):