368.54
Թուրքիայի վարչապետը դադարեցրել է PKK-ականների տունդարձը
1 րոպեի ընթերցում
ԱՆԿԱՐԱ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի վարչապետ Ռեջեբ Թայիփ Էրդողանի հրահանգով թուրքական իշխանություններն արգելել են «Քրդական աշխատավորական կուսակցությանե (PKK) անդամների Թուրքիա մուտքը՝ Եվրոպայից: Թուրքական «Հուրիեթիե համաձայն, իրաքյան Քրդստանից 34 PKK-ականների Դիարբեքիր տունդարձը տոնակատարության վերածվելուց հետո, թուրք-քրդական բախումների ժամանակ զոհված թուրք զինվորների ընտանիքներում բողոքի տրամադրություններ ծագելու պատճառով, թուրքական իշխանությունները անհայտ ժամկետով հետաձգել են հոկտեմբերի 28-ին Եվրոպայից Ստամբուլ վերադառնալ ցանկացող 15 PKK-երի մուտքը Թուրքիա: Ըստ թերթի, այդ կապակցությամբ Էրդողանը լրագրողներին ասել է, որ իշխանությունները պետք է «լավ մտածեն՝ քրդերի տունդարձը Թուրքիա այնպես կազմակերպելու մասին, որպեսզի այդ իրադարձությունը անհանգստությունների պատճառ չդառնա թուրքական հասարակության մեջե: PKK-ի անդամների Թուրքիա վերադարձը կազմակերպչական խմբի ղեկավար Զուբեիր Այդարը լրագրողների հետ զրույցում հաստատել է Էրդողանի խոսքերը: «Քրդերի վերադարձը Եվրոպայից անհայտ ժամկետով հետաձգել ենք: Հետագա որոշումը կընդունենք իրադրությունից ելնելովե, -ասել է նա:
Բաժանորդագրվեք մեր ալիքին Telegram-ում