368.54
Իրանը կարեւոր նշանակություն Է տալիս Թեհրան Թուրքիայի վարչապետի այցին
1 րոպեի ընթերցում
ԹԵՀՐԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Իրանը կարեւոր նշանակություն Է տալիս Թեհրան Թուրքիայի վարչապետ Ռեջեփ Թայիփ Էրդողանի պաշտոնական այցին: Այդ մասին այսօր Թեհրանում կայացած մամուլի ասուլիսում հայտարարել Է Իրանի արտգործնախարար Մանուչեհր Մոթաքին: Նա նշել Է, որ երկու երկրների հարաբերությունները կառուցվում են ռազմավարական հիմքի եւ փոխադարձ հարգանքի վրա: Ըստ Մոթաքիի՝ Թեհրանում կայանալիք բանակցությունները հող կստեղծեն իրանա- թուրքական փոխհարաբերությունների առաջխաղացման համար: Երկկողմ հարաբերությունների քննարկումից բացի, բանակցությունների առարկա կդառնան տարածաշրջանային հարցերն ու այն փոփոխությունները, որ տեղի են ունեցել տարածաշրջանում, հավելել Է Մոթաքին: «Իրանը եւ Թուրքիան վերջին տարիներին մշտապես կարծիքներ են փոխանակում տարածաշրջանային թեմատիկայի շուրջ: Կարծում եմ, որ Էրդողանի այցից հետո օրակարգում կհայտնվի երկու երկրների նախագահների հանդիպումը: Այդօրինակ հանդիպումները երկու երկրների միջեւ հարաբերությունների ամրապնդմանն ուղղված քայլեր են, ասել Է Իրանի արտգործնախարարը:
Բաժանորդագրվեք մեր ալիքին Telegram-ում