Երեւանի N 119 դպրոցում տեղի է ունեցել մեծարման միջոցառում` նվիրված ՀՀ ազգային հերոս Շառլ Ազնավուրի 85-ամյա հոբելյանին

ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: ՀՀ սփյուռքի նախարարության «Մեր մեծերըե խորագրով ծրագրի շրջանակներում, Երեւանի N 119 դպրոցում տեղի է ունեցել մեծարման միջոցառում` նվիրված ՀՀ ազգային հերոս Շառլ Ազնավուրի 85-ամյա հոբելյանին: Ինչպես «Արմենպրեսե-ին հայտնեցին ՀՀ սփյուռքի նախարարության մամուլի եւ հասարակայնության հետ կապերի վարչությունից, միջոցառմանը մասնակցել են ՀՀ սփյուռքի նախարար Հրանուշ Հակոբյանը, Երեւանի քաղաքապետարանի, ՀՀ-ում üրանսիայի դեսպանատան, ՄԱԿ-ի գրասենյակի ներկայացուցիչներ, քաղաքի դպրոցների տնօրեններ, այլ հյուրեր: Երեւանի N 119 դպրոցի աշակերտներն առանձնակի սիրով եւ ջերմությամբ, գրական-երաժշտական ինքնատիպ ձոնով ներկայացրել են մեծանուն հայորդու` Շառլ Ազնավուրի կյանքն ու արվեստը, նրա բարեգործական, հայրենասիրական գործունեությունը: ՀՀ սփյուռքի նախարար Հրանուշ Հակոբյանն իր ելույթում մասնավորապես նշել է, որ մատաղ սերնդի համար Շառլ Ազնավուրի կյանքը դաս եւ օրինակ է, եւ մեծանուն հայի աշխատասիրությունն ու հայրենասիրությունը պետք է դառնան նրանց կյանքի ուղեկիցները. «Աշակերտների համար դաս պետք է դառնա Ազնավուրի նվիրումը արվեստին, իր նպատակին հասնելու կամքը եւ հետեւողականությունը: Երեխաների համար Ազնավուրի դասն է նաեւ նրա անսահման հայրենասիրությունը իր ազգի եւ իր հայրենիքի նկատմամբե,-ասել է նա: Նախարարը կոչ է արել երեխաներին Ազնավուրի նման հավատարիմ ընկեր եւ մեծ մարդասեր: «Մեր մեծերըե խորագրով մեծարման ծրագիրը մեծ խանդավառություն եւ ոգեւորություն է առաջացրել Հայաստանի Հանրապետության ուսումնական հաստատություններում: Այս ծրագիրը մատաղ սերնդին տոգորում է հայրենասիրության, ազգային ինքնաճանաչության ոգով, ծրագրի շնորհիվ սփյուռքահայը ճանաչվում եւ գնահատվում է հայրենիքում, ինչի համար էլ ներկաներն իրենց շնորհակալությունն են հայտնելՀՀ սփյուռքի նախարարությանը: