Ըստ Սերգեյ Լավրովի, Ռուսաստանի եւ Վրաստանի միջեւ երկաթուղային հաղորդակցության հիմնախնդիրը կարելի է լուծել Վրաստանի հետ հարաբերությունների
1 րոպեի ընթերցում
ՄՈՍԿՎԱ, 19 ՀՈՒՆՎԱՐԻ. ԱՐՄԵՆՊՐԵՍ: Ռուսաստանի եւ Վրաստանի միջեւ երկաթուղային հաղորդակցության վերականգնման հիմնախնդիրը կարող է լուծվել ռուս- վրացական հարաբերությունների զարգացման համատեքստում: Ռուսաստանի արտաքին գործերի նախարար Սերգեյ Լավրովն այս կարծիքը հայտնել է այսօր Մոսկվայում կայացած մամուլի ասուլիսում: «Երկաթուղային հաղորդակցությունը կախված է ոչ այնքան Ռուսաստանից, որքան մեր առանձին հարեւաններիցե,-նշել է նա: «Վրաստանի հետ հարաբերությունների ընդհանուր զարգացման համատեքստում կարող է լուծվել Հայաստանի հետ երկաթուղային հաղորդակցության հարցըե,-ասել է Լավրովը: Անդրադառնալով Երեւան փետրվարին նախատեսված իր այցին՝ ՌԴ արտգործնախարարը հայտնել է, որ այնտեղ քննարկվելու են երկկողմ հարաբերությունների զարգացման, ԱՊՀ-ին եւ Հավաքական անվտանգության պայմանագրի կազմակերպությանը երկու երկրների մասնակցության հարցերը: Մասնավորապես, քննարկվելու են ԱՊՀ-ի բարեփոխմանը վերաբերող հարցերը, որոնց շուրջ Երեւանում ավելի վաղ կոնսուլտացիաներ են կայացել Հայաստանի ղեկավարության հետ: