1 րոպեի ընթերցում
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի Դաշնության արտաքին գործերի նախարար Սերգեյ Լավրովը փետրվարի 16-ին երկօրյա պաշտոնական այցով կժամանի Հայաստան: Ինչպես ԱՐՄԵՆՊՐԵՍԻՆ հայտնեցին ՀՀ ԱԳՆ մամուլի եւ տեղեկատվության վարչությունից, այցի շրջանակներում հանդիպումներ են նախատեսվում Հայաստանի ղեկավարության հետ: Կքննարկվեն Հայաստանի եւ Ռուսաստանի ռազմավարական գործընկերության ընթացիկ օրակարգին ու հեռանկարներին վերաբերող հարցեր: Անդրադարձ կկատարվի միջազգային կառույցներում Հայաստանի եւ Ռուսաստանի գործակցության զարգացման հնարավորությունների, նաեւ ԱՊՀ գործունեության եւ ԱՊՀ մարմինների բարեփոխման հարցերին: Նշենք, որ քննարկումների ժամանակ առանձին ուշադրություն է դարձվելու Լեռնային Ղարաբաղի հարցի կարգավորման ներկա փուլի, նաեւ Հարավային Կովկասում փոխվստահության մթնոլորտի ստեղծման եւ համագործակցության հաստատման խնդիրներին: Անդրադարձ կկատարվի նաեւ 2005թ. ՌԴ նախագահ Վ. Պուտինի Հայաստան կատարելիք առաջիկա այցին առնչվող հարցերին: