1 րոպեի ընթերցում
ԷՋՄԻԱԾԻՆ, 20 ՀՈՒՆՎԱՐԻ, ԱՐՄԵՆՊՐԵՍ: Այսօր վաղ առավոտյան վախճանվել է Մայր Աթոռի ավագագույն միաբաններից Եգիպտոսի հայոց թեմի առաջնորդ գերաշնորհ Տ. Զավեն արքեպիսկոպոս Չինչինյանը։ Ինչպես տեղեկացրին Մայր Աթոռից, Ն.Ս.Օ.Տ.Տ Գարեգին Բ Ամենայն Հայոց կաթողիկոսը, Մայր Աթոռ Սբ Էջմիածնի միաբանությունը, պաշտոնեությունը եւ հավատացելոց դասը խորապես սգում է սրբազան հոր անժամանակ մահը եւ աղոթում հանգուցյալ սրբազանի հոգու հանգստության համար։ Նրա թաղման և հուղարկավորության արարողությունը տեղի կունենա հունվարի 25- ին Կահիրեում, Սբ Գրիգոր Լուսավորիչ առաջնորդանիստ եկեղեցում: Մայր Աթոռ Սբ Էջմիածնից արարողություններին կմասնակցեն Ռումինիայի հայոց թեմի առաջնորդ Տ. Տիրայր արքեպիսկոպոս Մարտիկյանը, Տ. Ներսես արքեպիսկոպոս Պոզապալյանը և Կենտրոնական Եվրոպայի հայրապետական պատվիրակ Տ. Մեսրոպ արքեպիսկոպոս Գրիգորյանը: Հունվար 25-ին, Մայր Աթոռ Սբ Էջմիածնում, հավարտ Սբ Պատարագի աղոթք կբարձրացվի սրբազան հոր հոգու հանգստության համար։