«Ներառականությունը մշակութային կրթության ոլորտում» ծրագիրն ամփոփիչ փուլում է. դասընթացներն անցկացվում են Երևանում և Սյունիքի մարզում

3 րոպեի ընթերցում

«Երեխաների հատուկ ստեղծագործական կենտրոն» ՊՈԱԿ-ի նախաձեռնությամբ և ՀՀ կրթության, գիտության, մշակույթի և սպորտի նախարարության աջակցությամբ իրականացվող «Ներառականությունը մշակութային կրթության ոլորտում» 2026 թվականի ծրագիրն ամփոփում է այս տարվա իր դասընթացների շարքը։

«Արմենպրես»-ի փոխանցմամբ՝ այս օրերին մասնագիտական դասընթացներն ընթանում են Երևանում և Սյունիքի մարզում՝ ուղղված երաժշտական և արվեստի դպրոցների մանկավարժների հմտությունների զարգացմանը։ Դասընթացները վարում են Ռուսաստանից ժամանած փորձառու մասնագետները՝ Մարիա Նովոսելցևան «Աստիճաններ» պարային համույթի ղեկավար (պարեր անվասայլակներով), «Աստիճաններ» հաշմանդամություն ունեցող անձանց սոցիալ-մշակութային վերականգնման ներառական կենտրոն» կազմակերպության տնօրեն և Անդրեյ Բեսովը «Աստիճաններ» պարային համույթի կամավոր։

Ապրիլին Արարատի մարզից մեկնարկած այս նախաձեռնությունն արդեն իսկ հաջողությամբ իրականացվել է նաև Վայոց ձորի և Արմավիրի մարզերում, ինչպես նաև մայրաքաղաք Երևանում։ Ծրագիրը տարեցտարի ավելի մեծ կարևորություն է ձեռք բերում, քանի որ մշակութային կրթություն ստանալու ցանկություն ունեցող հաշմանդամություն ունեցող երեխաների թիվն աճում է, ինչն էլ թելադրում է մանկավարժների պատրաստվածության նոր մակարդակ։

Նախաձեռնությունը լրացնում է հենց այդ բացը՝ մասնակիցներին փոխանցելով անհրաժեշտ տեսական գիտելիքներ և պրակտիկ լուծումներ, որոնք թույլ են տալիս յուրաքանչյուր երեխայի համար ստեղծել հավասար և որակյալ կրթական միջավայր։

Տեսական և գործնական դասընթացների իրականացմանը, ինչպես նաև մասնագիտական դասալսումներին իրենց անմիջական մասնակցությունն են ունենում ինչպես հայաստանյան 6 առաջատար մասնագետներ, այնպես էլ 4 փորձառու փորձագետներ արտերկրից։ Միջազգային փորձի և նոր մեթոդների ներգրավումը հնարավորություն է տալիս մանկավարժներին ծանոթանալ ներառականության ոլորտի լավագույն փորձին և ստացած տեսական գիտելիքները կիրառել անմիջապես գործնական աշխատանքում։

Դասընթացների ընթացքում առանձնահատուկ տեղ է հատկացվում մասնագիտական քննարկումներին և «կլոր սեղանին», որտեղ շահառուները հնարավորություն ունեն առաջատար փորձագետների հետ քննարկել ոլորտի մարտահրավերները և ստանալ գործնական օգնություն։ Ծրագրի ամփոփմամբ շուրջ 20 ուսումնական հաստատությունների ավելի քան 200 մանկավարժներ ձեռք կբերեն ներառական դասավանդման նոր կարողություններ՝ նպաստելով կարծրատիպերի վերացմանը և յուրաքանչյուր երեխայի ստեղծագործական ներուժի լիարժեք բացահայտմանը։

Հայերեն

Digitec expo. ի՞նչ տեխնոլոգիական լուծումներ են առաջարկում մասնակիցները

Էստոնիան դեկտեմբերի 1-ից կփակի Ռուսաստանի հետ սահմանը

ՀՀ ՊԵԿ-ը բացահայտվել են աննախադեպ քանակի ծխախոտային արտադրանքի անօրինական տեղափոխման դեպքեր

Երևանը տեխնոլոգիական ապագայի խաչմերուկում․ Digitec 2026-ը միավորել է ոլորտի առաջատարներին

«Ներառականությունը մշակութային կրթության ոլորտում» ծրագիրն ամփոփիչ փուլում է. դասընթացներն անցկացվում են Երևանում և Սյունիքի մարզում

Մեծ Բրիտանիան և Եվրամիությունը վերագործարկել են հարաբերությունները մի շարք համաձայնությունների ձեռքբերմամբ

Երեխաների իրավունքների պաշտպանությունը պետք է ապահովվի նաև թվային միջավայրում. ՀՀ ՄԻՊ

Հայաստանի ԱԳՄԱ նախարարությունը ցավակցել է Թբիլիսիի Փոնիճալա թաղամասում պայթյունի հետևանքով զոհերի ընտանիքներին

Հայաստան–Հունաստան համագործակցության ամենաբովանդակալից էջերը դեռ կարող են գրվել գալիք տարիներին․ դեսպան Տիգրան Մկրտչյանի հարցազրույցը «Պրոինոս Լոգոս» օրաթերթին

Փաշինյանը հայտարարել է՝ նոր Սահմանադրությամբ առաջարկում են պատերազմի ԴՆԹ-ն փոխարինել խաղաղության, զարգացման և անկախության ԴՆԹ-ով