Հայաստանը պատրաստ է Թուրքիայի հետ բաց սահման ունենալ հենց այսօր․ Ռուբինյան

2 րոպեի ընթերցում

Հայաստանը պատրաստ է Թուրքիայի հետ բաց սահման և հաստատված դիվանագիտական հարաբերություններ ունենալ հենց այսօր։  

«Արմենպրես»-ի փոխանցմամբ՝  նոյեմբերի 17-ին լրագրողների հետ ճեպազրույցում այս մասին հայտարարել է ՀՀ ԱԺ նախագահ Ռուբեն Ռուբինյանը՝ անդրադառնալով հայ-թուրքական հարաբերությունների կարգավորման ընթացքին։

«Ես կարծում եմ՝ ոչ մի խոչընդոտ չկա օր առաջ ունենալ Հայաստան-Թուրքիա բաց սահման և հաստատված դիվանագիտական հարաբերություններ։ Մենք պատրաստ ենք այդպիսի իրավիճակ ունենալ հենց այսօր, հենց վաղը։ Մնացածն արդեն Թուրքիայի դաշտում է»,- ընդգծել է Ռուբինյանը։

Նրա խոսքով՝ Մարգարա-Ալիջան սահմանային անցման երկու կողմերի անցակետերը վերականգնված են և պատրաստ են գործարկման։

Ռուբինյանը հայտնել է նաև, որ թուրքական կողմը սկսել է Կարս-Գյումրի երկաթգծի՝ իր տարածքով անցնող հատվածի վերանորոգումը մինչև Հայաստանի սահման։

«Լավ լուրն այն է, որ թուրքական կողմը սկսել է Կարս-Գյումրի, այսինքն՝ իրենց կողմից երկաթգծի վերանորոգումը մինչև մեր սահման, և առնվազն իմ վերջին ինֆորմացիայով նրանք ընթացքի մեջ էին»,- ասել է ԱԺ նախագահը։

Նա նշել է, որ հարաբերությունների կարգավորման գործընթացը շարունակվում է, իսկ քննարկումներն ընթանում են արտաքին գործերի նախարարությունների մակարդակով։

Նոյեմբերի 16-ին Բրյուսելում «Սևծովյան տարածաշրջանում անվտանգության հանձնառությունների առաջմղում» թեմայով քննարկման ժամանակ ՀՀ արտաքին գործերի և միջազգային առևտրի նախարար Արարատ Միրզոյանն անդրադարձել է Թուրքիայի հետ հարաբերությունների լիարժեք կարգավորման և սահմանի բացման ուղղությամբ շարունակվող ակտիվ երկխոսությանը։

Ավելի վաղ, Դուբլինի Միջազգային և եվրոպական հարցերի ինստիտուտում վարչապետ Նիկոլ Փաշինյանը հայտարարել էր, որ Հայաստանն ու Թուրքիան մոտ են դիվանագիտական հարաբերություններ հաստատելու և սահմանները լիարժեք բացելու քայլին։ Նա նշել էր, որ Թուրքիայի նախագահ Ռեջեփ Թայիփ Էրդողանի հետ հանդիպման ընթացքում երկուստեք արձանագրել են առաջընթացը։

Հայերեն العربية English Русский 中文

Ջիվան Ավետիսյանի «Վերածնվածը» ֆիլմն արտերկրում ցուցադրվելուց հետո կբարձրանա հայաստանյան մեծ էկրան

Վադեֆուլը հայտարարել է, որ Ռուսաստանը չպետք է խոչընդոտի Հարավային Կովկասի մերձեցմանը Եվրոպայի հետ

Հայաստանը պատրաստ է Թուրքիայի հետ բաց սահման ունենալ հենց այսօր․ Ռուբինյան

Վրաստանում ավարտել են դեպի Ռուսաստանի սահման տանող կամրջի շինարարությունը

ԱԺ նախագահը չի կիսում Արմեն Գրիգորյանի եզրահանգումները

Հայաստանը չի ընդունում Սահմանադրության վերաբերյալ Ադրբեջանի մոտեցումը․ Ռուբինյան

Երևանում քննարկվում են բարձրագույն կրթության որակի ապահովման եվրոպական նոր չափանիշները

Ավինյանը ներկայացրել է Երևանի խցանումների խնդրի հնարավոր լուծումները

Ջերմուկում մայր արջը շրջում է ձագերի հետ․ ՇՄ նախարարությունը հորդորում է պահպանել անվտանգության կանոնները

Ռուբիոն դատապարտել է Իրանի հարձակումները Բահրեյնի վրա