Հայաստանը չի ընդունում Սահմանադրության վերաբերյալ Ադրբեջանի մոտեցումը․ Ռուբինյան

2 րոպեի ընթերցում

Ազգային ժողովում Ռուբեն Ռուբինյանը հայտարարել է, որ Հայաստանը չի ընդունում խաղաղության պայմանագրի ստորագրումը նոր Սահմանադրության ընդունմամբ պայմանավորելու Ադրբեջանի մոտեցումը և պատրաստ է պայմանագիրը ստորագրել արդեն այսօր։ «Արմենպրես»-ի փոխանցմամբ՝ ԱԺ նախագահը նոյեմբերի 17-ին լրագրողների հետ ճեպազրույցում անդրադարձել է սահմանադրական փոփոխությունների և հայ-ադրբեջանական հարաբերությունների կարգավորման կապին։

«Մենք չենք ընդունում այդ մոտեցումը։ Մենք համարում ենք, որ որևէ խոչընդոտ չկա խաղաղության պայմանագրի ստորագրման, և հենց այսօր էլ պատրաստ ենք ստորագրել խաղաղության պայմանագիրը»,-ասել է Ռուբինյանը։

Նրա խոսքով՝ նոր Սահմանադրություն ընդունելու նախաձեռնությունը բխում է Հայաստանի ներքին օրակարգից։ Միաժամանակ նա չի բացառել, որ դրա ընդունումը կարող է արտաքին քաղաքական հետևանքներ ունենալ։

Ռուբինյանն անդրադարձել է նաև ընդդիմության հարցադրումներին՝ արդյոք Սահմանադրության փոփոխությունից հետո Ադրբեջանը կստորագրի պայմանագիրը և նոր նախապայմաններ չի ներկայացնի։

ԱԺ նախագահի խոսքով՝ այդ հարցերն իշխանությունը տրամաբանական է համարել, և Նիկոլ Փաշինյանը հայտնել է դրանց շուրջ մտածելու ու ընդդիմությանն առաջարկ ներկայացնելու մտադրության մասին։

«Եթե հավելյալ երաշխիքներ են պետք, գուցե արժի գնալ այդ երաշխիքների հետևից՝ ձեր առաջ բերած օրակարգի հարցի շուրջ»,-նշել է Ռուբինյանը։

Հայերեն English Русский

Հայաստանը պատրաստ է Թուրքիայի հետ բաց սահման ունենալ հենց այսօր․ Ռուբինյան

Վրաստանում ավարտել են դեպի Ռուսաստանի սահման տանող կամրջի շինարարությունը

ԱԺ նախագահը չի կիսում Արմեն Գրիգորյանի եզրահանգումները

Հայաստանը չի ընդունում Սահմանադրության վերաբերյալ Ադրբեջանի մոտեցումը․ Ռուբինյան

Երևանում քննարկվում են բարձրագույն կրթության որակի ապահովման եվրոպական նոր չափանիշները

Ավինյանը ներկայացրել է Երևանի խցանումների խնդրի հնարավոր լուծումները

Ջերմուկում մայր արջը շրջում է ձագերի հետ․ ՇՄ նախարարությունը հորդորում է պահպանել անվտանգության կանոնները

Ռուբիոն դատապարտել է Իրանի հարձակումները Բահրեյնի վրա

«Եվրատեսիլ 2027»-ի տոմսերի վաճառքը կսկսվի հունվարին. BTA

Գեղարքունիքում «Կանանց տնտեսական հզորացում Հարավային Կովկասում» ծրագրի շահառու կանայք ստացել են բիզնեսի համար անհրաժեշտ սարքավորումներ