Մոսկվայի վրա ճնշումն ավելացնելու մասին Եվրոպայի խոստումները չեն նպաստում խաղաղության գործընթացին. Պեսկով

3 րոպեի ընթերցում

Ռուսաստանը անհրաժեշտ է համարում հասկանալ, թե որքանով կարող է Եվրոպայի դիրքորոշումը նպաստել Ուկրաինայի շուրջ ստեղծված իրավիճակի կարգավորմանը, լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը։ «Արմենպրես»-ի փոխանցմամբ՝ այս մասին հաղորդում է ՏԱՍՍ գործակալությունը:

Պեսկովին հարց են ուղղել, թե ինչպես է Կրեմլը վերաբերվում նրան, որ Եվրոպան ցանկանում է միանալ ԱՄՆ-ՌԴ-Ուկրաինա եռակողմ բանակցություններին իր ընտրած ձևաչափով՝ «եվրոպական հնգյակի» երկրների և ԵՄ կառույցների ներկայացուցիչների մասնակցությամբ։

«Մինչ այժմ բանակցությունները համաձայնեցվել են եռակողմ ձևաչափով, այսինքն՝ Ռուսաստան-Ուկրաինա-ԱՄՆ։ Խոսակցություններ են եղել նաև եվրոպացիներին բանակցային գործընթացում ներգրավելու հնարավորության մասին, սակայն մենք բազմիցս ընդգծել ենք, որ կցանկանայինք հենց եվրոպացիներից հասկանալ, թե որքանով է նրանց դիրքորոշումն ի վիճակի նպաստելու խաղաղության գործընթացին», - հայտարարել է Պեսկովը։

Նա նշել է, որ Եվրոպայից մինչ այժմ հնչող հայտարարությունները՝ Կիևին անվերապահ աջակցությունը պահպանելու և Մոսկվայի վրա ճնշումն ուժեղացնելու մասին, ավելի շուտ վկայում են խաղաղության գործընթացին նպաստելու ցանկության բացակայության մասին։

«Սակայն, կրկին նշեմ, տեսնենք՝ միգուցե հնարավոր լինի հստակեցնել եվրոպացիների դիրքորոշումը և որոշակի եզրակացության հանգել բանակցային գործընթացի ներկա փուլում նրանց մասնակցության նպատակահարմարության վերաբերյալ», - հավելել է ՌԴ նախագահի մամուլի քարտուղարը։

Ավելի վաղ Եվրահանձնաժողովի նախագահ Ուրսուլա ֆոն դեր Լայենը հայտարարել էր, որ Եվրոպան Ուկրաինային առավելագույն աջակցություն կցուցաբերի և առավելագույն ճնշում կգործադրի Ռուսաստանի վրա։ Նա նաև նշել էր, որ Եվրոպան ակտիվորեն կներգրավվի Ուկրաինայի և Ռուսաստանի միջև բանակցություններում Ե5+Եվրամիություն ձևաչափով: Հնգյակի մեջ են մտնում Ֆրանսիան, Գերմանիան, Մեծ Բրիտանիան, Իտալիան և Լեհաստանը:

Այս ֆոնին ԵՄ երկրներն ընդլայնել են Ռուսաստանի դեմ պատժամիջոցները՝ ցանկում ներառելով ևս 145 ֆիզիկական և իրավաբանական անձանց:

Եվրոպա

Ուրսուլա ֆոն դեր Լայենը հայտարարել է ուկրաինական հակամարտության կարգավորման բանակցություններին Եվրոպայի մասնակցության մասին

Հայերեն Русский

Բարսելոնայում ոստիկանությունը ցրել է բնակարանային ճգնաժամի դեմ բողոքողների ճամբարը

Նույնակացման միջոցներով դրոշմավորման փորձնական ծրագրեր են իրականացվում 6 հիմնական ապրանքախմբի համար․ ՊԵԿ

ՀՀ ԿԲ. թանկարժեք մետաղների գներ և փոխարժեքներ -16/11/26

Ասիական ինդեքսներ - 16/11/26

Մոսկվայի վրա ճնշումն ավելացնելու մասին Եվրոպայի խոստումները չեն նպաստում խաղաղության գործընթացին. Պեսկով

Արգամ Աբրահամյանի կողմից սպանություն պատվիրելու վերաբերյալ քրեական վարույթի նախաքննությունն ավարտվել է․ ՔԿ

Կալասը Կիևին Մոսկվայի ներկայացրած պահանջները համարում է պատերազմը շարունակելու պատրվակ

ՀՀ էկոնոմիկայի նախարարությունում կայացել է Հայաստան-Գերմանիա միջկառավարական միջանկյալ խորհրդակցություն

Ռուսաստանը հերքել է ռումինական պետական հաստատության վրա կիբերհարձակման կազմակերպումը

Տնտեսական համագործակցության կազմակերպության երկրները ողջունել են ԱՄՆ-ի հետ պատերազմն ավարտելու Իրանի երկօրյա ծրագիրը. Արաղչի