1 րոպեի ընթերցում
Երևանում ընթացող COP17-ի առաջին շաբաթվա բանակցությունների արդյունքում Կողմերն ընդունել են 14 որոշում՝ «Կենսաբանական բազմազանության մասին» կոնվենցիայի, Կարթագենյան և Նագոյայի արձանագրությունների շրջանակում։
«Արմենպրես»-ի փոխանցմամբ՝ այդ մասին հաղորդագրություն է տարածել COP17 Armenia «Ֆեյսբուք»-ի էջը։
Որոշումներն ընդգրկում են կենսաանվտանգության, ինվազիվ օտարածին տեսակների, գենդերային հավասարության, իրազեկման բարձրացման, համապատասխանության և մշտադիտարկման հարցեր։
ՄԱԿ-ի «Կենսաբանական բազմազանության մասին» կոնվենցիայի գործադիր քարտուղար Աստրիդ Շոմեյքերն ընդգծել է, որ յուրաքանչյուր որոշման հետևում երկարատև բանակցություններ են, փոխադարձ ըմբռնման և համաձայնության հասնելու համատեղ ջանքեր։
«Առաջին շաբաթվա արդյունքները կարևոր քայլ են, սակայն COP17-ի հաջողությունը կչափվի բնության և մարդկանց համար ապահովվող իրական փոփոխություններով»,- ասված է հաղորդագրության մեջ։