2 րոպեի ընթերցում
Կոնգոյի Դեմոկրատական Հանրապետությունում (ԿԴՀ) էբոլա վիրուսի հաստատված դեպքերի թիվը հասել է 9066-ի։ Հիվանդությունից մահացածների թիվը հասել է 4381-ի։ «Արմենպրես»-ի փոխանցմամբ՝ այս մասին հաղորդում է ABC News-ը՝ հղում անելով ԿԴՀ առողջապահության նախարարությանը։
Այսպիսով, հիվանդությունից մահացածների թիվը մոտենում է հաստատված դեպքերի կեսին։
Հոկտեմբերի 11-ի դրությամբ էբոլայից մահվան դեպքերի թիվը 4315 էր, հիվանդացածների թիվը՝ 8914։
Մահերի թվի աճը տագնապ է առաջացրել բուժաշխատողների և իշխանությունների շրջանում, ընդ որում՝ գրանցված մահերի զգալի մասը տեղի է ունենում բուժկենտրոններից դուրս։ Պաշտոնյաների խոսքով՝ հաստատված դեպքերը կազմում են բոլոր դեպքերի ընդամենը մեկ երրորդը, շատ դեպքեր մնում են չբացահայտված։ Բռնկման պատճառը էբոլայի բունդիբուգյո հազվագյուտ տեսակն է, որի դեմ հաստատված պատվաստանյութ կամ բուժում գոյություն չունի։
Վիրուսի տարածումը զսպելու ջանքերին խոչընդոտում են մի շարք գործոններ։ Դրանց թվում են կառավարական ուժերի և ապստամբ խմբավորումների միջև մարտերը, որոնք հանգեցրել են աշխարհում ամենածանր մարդասիրական ճգնաժամերից մեկին, առողջապահական անվտանգության միջոցների լայնածավալ անտեսումը, բնակչության ինտենսիվ տեղաշարժերը, ինչպես նաև բժշկական պարագաների և բուժկենտրոնների պակասը։