1 րոպեի ընթերցում
Իսպանիայի թագավոր Ֆելիպե VI-ը՝ տիկնոջ Լետիսիայի հետ կայցելի Սեուտա, որը հուլիսի վերջին տուժել է միգրացիոն ճգնաժամից։
Ինչպես հայտնում է «Արմենպրես»-ը, այդ մասին հաղորդել է EFE լրատվական գործակալությունը։
Ըստ գործակալության՝ ուղևորությունն այդ քաղաք, ինչպես նաև Մելիլյա, պլանավորված է հոկտեմբերի 13-ին և 14-ին։
RTVE հեռուստառադիոընկերության տվյալներով՝ վերջին անգամ Իսպանիայի միապետը պաշտոնական այց է կատարել Սեուտա և Մելիլյա 2007 թվականին, երբ թագավոր էր պետության ներկայիս ղեկավարի հայրը՝ Խուան Կառլոս I-ը։ Այդ ժամանակ այցը հանգեցրել էր դիվանագիտական ճգնաժամի Իսպանիայի և Մարոկկոյի միջև:
Հուլիսի վերջին տասնյակ հազարավոր անօրինական միգրանտներ կարողացել են հասնել Սեուտա լողալով կամ ծանծաղուտով։ Ճգնաժամի պատճառով Մադրիդը որոշել էր գործի դնել զինվորականներին բնակավայրում անվտանգության ապահովման նպատակով։ Իշխանությունների գնահատմամբ՝ քաղաք կարող էր ներթափանցել մինչև 80 հազար մարդ, սակայն ենթադրվում է, որ անօրինական միգրանտների ճնշող մեծամասնությունն արդեն վերադարձել է Մարոկկո: