Շոտլանդիան շրջակա միջավայրի հետ կապված մտահոգությունների պատճառով դադարեցրել է ԱԲ խոշոր տվյալների կենտրոնների հաստատման ծրագիրը
2 րոպեի ընթերցում
Շոտլանդիան առնվազն մեկ տարի չի հաստատի արհեստական բանականության (ԱԲ) համար նախատեսված գերհզոր տվյալների կենտրոնների կառուցումը, մինչև որ մշակվեն նոր ազգային կանոնակարգեր։ Այդ մասին տեղեկացնում է «Արմենպրես»-ը՝ վկայակոչելով Euronews-ը։
Շոտլանդիայի խորհրդարանն ընդունած բանաձևով փաստում է, որ ԱԲ տվյալների կենտրոնների վերաբերյալ նախագծման կամ թույլտվությունների տրամադրման որևէ որոշում չպետք է կայացվի, քանի դեռ կառավարությունը չի հրապարակել ազգային ուղեցույցները, որոնց ներկայացումն ակնկալվում է առաջիկա 12 ամիսների ընթացքում։
Տվյալների կենտրոններն ապահովում են ԱԲ համակարգերի ուսուցման և շահագործման համար անհրաժեշտ հաշվողական հզորությունը, սակայն դրանք կարող են սպառել հսկայական քանակությամբ էլեկտրաէներգիա և ջուր, ինչն աճող մտահոգությունների տեղիք է տալիս։ Կասկածներ են հնչում առ այն, թե արդյոք Շոտլանդիայի էներգետիկ ցանցը կկարողանա բավարարել պահանջարկի կտրուկ աճը, ինչպես նաև մտահոգություններ կան նոր օբյեկտների՝ ածխածնային արտանետումների և տեղական համայնքների վրա ունեցած ազդեցության վերաբերյալ։
Բացի այդ, Շոտլանդիայի կառավարությունը պարտադիր է դարձրել շրջակա միջավայրի վրա ազդեցության գնահատումը 50 ՄՎտ-ից ավելի հզորություն ունեցող տվյալների բոլոր նոր կենտրոնների համար։