1 րոպեի ընթերցում
Հայաստանի վարչապետ Նիկոլ Փաշինյանի առաջարկով Հայաստանի նախագահ Վահագն Խաչատուրյանը հրամանագիր է ստորագրել Սամվել Գրիգորյանին 3-րդ բանակային կորպուսի հրամանատար նշանակելու մասին։
«Արմենպրես»-ի փոխանցմամբ՝ այս մասին «Ֆեյսբուք»-ի իր պաշտոնական էջում հայտնել է Հայաստանի պաշտպանության նախարար Սուրեն Պապիկյանը։
«Հիմք ընդունելով ՀՀ վարչապետ Նիկոլ Փաշինյանի առաջարկությունը՝ ՀՀ նախագահ Վահագն Խաչատուրյանը ստորագրել է հրամանագիր, որի համաձայն Սամվել Գրիգորյանը նշանակվել է 3-րդ բանակային կորպուսի հրամանատար»,- գրել է նախարարը։