2 րոպեի ընթերցում
Նեպալում տեղի ունեցած ջրհեղեղի հետևանքով առնվազն 31 մարդ է զոհվել: Հարյուրավոր զբոսաշրջիկներ, աշխատողներ և այլ անձինք անհետ կորած են: Ջրհեղեղը մեծ վնաս է հասցրել գյուղերին և ենթակառուցվածքին: «Արմենպրես»-ի փոխանցմամբ՝ այս մասին հաղորդում է BBC-ն:
Նեպալ-Չինաստան սահմանին մեծ ավերածություններ են գրանցվել: Ըստ իշխանությունների՝ զոհերի թիվը կարող է մեծապես աճել: Ամենաշատը տուժել են Ռասուվայի և Նուվակոտի շրջանները: Փլուզվել են շենքեր, ճանապարհներ և կամուրջներ: Վնասը ահռելի չափերի է հասել:
Նեպալի բանակը 88 մարդու է փրկել: Որոնողափրկարարական աշխատանքներին ներգրավվել են ուղղաթիռներ, որոնք, սակայն ջրի բարձր մակարդակի պատճառով դժվարությամբ են կարողանում վայրէջք կատարել:
Ջրհեղեղից մեծապես տուժել է նաև Տիբեթը: Գիրոնգի նավահանգստում սողանք է տեղի ունեցել: Կան անհետ կորածներ: Չինաստանի նախագահ Սի Ծինփինը հրահանգել է որոնողափրկարարական լայնածավալ աշխատանքներ իրականացնել:
Ավելի վաղ հաղորդվել էր, որ անհետ կորել է 384 զբոսաշրջիկ, այդ թվում՝ 291 օտարերկրացի: Նրանց թվում են Հնդկաստանի, Մեծ Բրիտանիայի, Մալայզիայի, Հարավաֆրիկյան Հանրապետության, ԱՄՆ-ի և այլ երկրների քաղաքացիներ:
Նեպալի արտգործնախարարը հայտնել է, որ նախնական տեղեկությունների համաձայն՝ երկրաշարժը ձնահյուս է առաջացրել, ինչն էլ հանգեցրել է ջրհեղեղի: Ըստ այլ վարկածի՝ ջրհեղեղի պատճառը ձնհալքն է: