1 րոպեի ընթերցում
Ռուսաստանում Ռումինիայի գործերի ժամանակավոր հավատարմատար Լիլիանա Բուրդային օգոստոսի 27-ին կանչել են Ռուսաստանի արտաքին գործերի նախարարություն: «Արմենպրես»-ի փոխանցմամբ՝ այդ մասին ՏԱՍՍ-ին հայտնել են Ռուսաստանի արտաքին քաղաքական գերատեսչությունում:
«Վաղը Ռուսաստանի արտաքին գործերի նախարարություն է կանչվել Ռումինիայի գործերի ժամանակավոր հավատարմատարը», - նշել են նախարարությունում:
Ավելի վաղ Ռումինիայի արտաքին քաղաքական գերատեսչությունը հրապարակել է հայտարարություն, որ Բուխարեստը վտարում է ՌԴ-ի դիվանագետին այն բանից հետո, երբ Ռումինիայի ռազմաօդային ուժերը երեք օրվա ընթացքում երեք անօդաչու թռչող սարքեր են խոցել ազգային օդային տարածքում, որոնք, ըստ ռումինական վարկածի, եղել են ռուսական:
Ռուսաստանի արտաքին գործերի նախարարության Տեղեկատվության և մամուլի գերատեսչության փոխտնօրեն Ալեքսեյ Ֆադեևը հայտնել է, որ Ռուսաստանը չի ընդօրինակի օտար թատերական ժեստը և դեսպանին հետ կանչի Բուխարեստից՝ ի պատասխան ռումինական կողմի համապատասխան քայլի, բայց ռուսաստանցի դիվանագետի վտարմանը կտա պատշաճ պատասխան: