Կարևորում ենք Ուրուգվայի հետ բարեկամական հարաբերությունների շարունակական զարգացումը. ՀՀ նախագահի շնորհավորանքը
1 րոպեի ընթերցում
Հայաստանի Հանրապետության նախագահ Վահագն Խաչատուրյանը շնորհավորական ուղերձ է հղել Ուրուգվայի Արևելյան Հանրապետության նախագահ Յամանդու Ռամոն Անտոնիո Օրսի Մարտինեսին ազգային տոնի՝ Անկախության օրվա կապակցությամբ։
«Արմենպրես»-ի հաղորդմամբ՝ ՀՀ նախագահի շնորհավորական ուղերձում, մասնավորապես, նշվում է․
«Հայաստանը կարևորում է Ուրուգվայի հետ բարեկամական հարաբերությունների շարունակական զարգացումը։ Ուրախությամբ եմ արձանագրում, որ 2025 թվականին «ԹՈՒՄՈ» ստեղծարար տեխնոլոգիաների կենտրոնի բացումը Մոնտեվիդեոյում վկայում է մեր երկրների միջև ձևավորված արդյունավետ գործընկերության և փոխգործակցության նոր ոլորտներ ընդգրկելու պատրաստակամության մասին։ Լիահույս եմ, որ համատեղ ջանքերով ավելի կամրապնդենք առկա համագործակցությունը՝ ի շահ մեր ժողովուրդների»։