Հութիները հայտնել են, որ մեկ ամսվա ընթացքում խոչընդոտել են 48 սաուդական տանկերների երթևեկությանը
1 րոպեի ընթերցում
Հութիները Սաուդյան Արաբիայի դեմ ծովային շրջափակում հայտարարելուց ի վեր Եմենի ափերի մոտ հուլիսի 20-ին ստիպել են 48 սաուդական նավթատարի փոխել երթուղին։
Ինչպես հաղորդում է «Արմենպրես»-ը, վկայակոչելով «Ինտերֆաքս»-ը, այս մասին օգոստոսի 19-ին հայտնել է շարժման ռազմական ներկայացուցիչ Յահյա Սարին։
«Մենք թույլ չենք տվել, որ 48 սաուդական նավթատարներ անցնեն։ Դրանցից 34-ը հետ են շրջվել Արաբական ծովում և Հնդկական օվկիանոսում, ևս 14-ին մենք թույլ չենք տվել անցնել Կարմիր ծովով»,- հայտարարել է նա։
Սարին նշել է, որ հուլիսի 20-ից հութիները հարվածներ են հասցրել ութ սաուդական նավթատարի՝ հինգին՝ Կարմիր ծովում, իսկ երեքին՝ Ադենի ծոցում և Արաբական ծովում։