1 րոպեի ընթերցում
Հայաստանի ըմբշամարտի Մ20 տարեկանների ընտրանու անդամ Սամվել Տերտերյանը դարձել է աշխարհի առաջնության ոսկե մեդալակիր։
«Արմենպրես»-ի հաղորդմամբ՝ Սլովակիայի մայրաքաղաք Բրատիսլավայում ընթացող մինչև 20 տարեկանների ըմբշամարտի աշխարհի առաջնության հունահռոմեական ոճի 77 կգ քաշային կարգի եզրափակիչում Սամվել Տերտերյանը մրցեց Ադրբեջանը ներկայացնող Զավիդ Նահմատովի հետ։ Գոտեմարտն ավարտվեց 1։1 հաշվով, ու քանի որ Տերտերյանն առաջինն էր միավոր վաստակել, նա էլ դարձավ հաղթող։
Իսկ ահա 87 կգ քաշային կարգի եզրափակիչում Յուրիկ Պետրոսյանը պարտվեց` դառնալով մրցաշարի արծաթե մեդալակիր: