ՍԱՏՄ-ն կասեցրել է գազավորված ըմպելիքների հերթական արտադրամասերի արտադրական գործունեությունը

Սննդամթերքի անվտանգության տեսչական մարմինը կասեցրել է ոչ ալկոհոլային գազավորված ըմպելիքների հերթական արտադրամասերի արտադրական գործունեությունը։

«Արմենպրես»-ի փոխանցմամբ՝ Սննդամթերքի անվտանգության տեսչական մարմինն այդ մասին հաղորդագրություն է տարածել։

Ըստ այդմ՝ Սննդամթերքի անվտանգության տեսչական մարմնի ղեկավարի որոմամբ՝ կասեցվել է «Սիսմուր» ՍՊ ընկերությանը պատկանող «Սիսմուր» ապրանքանիշի ոչ ալկոհոլային գազավորված ըմպելիքների արտադրամասի արտադրական գործունեությունը (Արարատի մարզ, գ․ Արևաշատ): Որոշման հիմքը սաիտարահիգիենիկ նորմերի խախտումներն են՝ հայտնաբերված վերահսկողության ընթացքում:

Այսպես՝

- արտադրամասի նախագծումը, դրանց կառուցվածքը, դասավորվածությունը և չափսը չեն ապահովել պարենային (սննդային) հումքի, փաթեթավորման նյութերի և սննդամթերքի պահպանման պայմանները, 

- արտադրամասն ապահովված չի եղել սանհանգույցով,

- պահեստի հատակը, պատերը չեն ունեցել հարթ մակերես, չեն պահվել նորոգ վիճակում,

- գույքը և սարքավորումները չեն պահվում նորոգ և բարվոք վիճակում,

- օգտագործվող պարենային (սննդային) հումքը և բաղադրիչները չեն պահվում փչանալը կանխարգելող և աղտոտիչ նյութերից պաշտպանությունն ապահովող պայմաններում,

- չկա հանդերձարան անձնակազմի համար:

Ընկերության տնօրենին հանձնարարվել է արտադրամասը համապատասխանեցնել օրենսդրության պահանջներին, սահմանվել է վերջնաժամկետ:

Սննդամթերքի անվտանգության տեսչական մարմնի տեսուչների կողմից վերահսկողություն է իրականացվել անհատ ձեռնարկատեր Հովսեփ Հակոբյանին պատկանող ոչ ալկոհոլային գազավորված ըմպելիքների արտադրամասում (Շիրակի մարզ, ք․ Գյումրի, ապրանքանիշը՝ «Լենինականի»):

Սանիտարահիգիենիկ նորմերի կոպիտ խախտումների հիմքով՝ արտադրամասի արտադրական գործունեությունը կասեցվել է: Ի մասնավորի՝

- արտադրամասի հատակների, պատերի մակերևույթները պատրաստված չեն եղել անջրանցիկ, լվացվող, ախտահանվող նյութերից,

- առաստաղները ապահով չեն եղել, ինչը չի կանխարգելել կեղտի կուտակումը, բորբոսի առաջացումը և առաստաղից մասնիկների թափվելու հնարավորությունը, նպաստել է խոնավության խտացմանը,

- արտադրամասը սարքավորված չի եղել սանհանգույցով,- չի եղել հանդերձարան անձնակազմի համար:

Տնտեսավարողին տրվել են հայտնաբերված խախտումները վերացնելու պարտադիր կատարման հանձնարարականներ, սահմանվել է ժամկետ:

Սննդամթերքի անվտանգության տեսչական մարմնի տեսուչները վերահսկողական միջոցառումներ են անցկացրել անհատ ձեռնարկատեր Խաչատուր Սարգսյանին պատկանող «ՍԱՐԳ Վայենտորգ» ապրանքանիշի գազավորված ոչ ալկոհոլային ըմպելիքների արտադրամասում (Շիրակի մարզ, ք․ Գյումրի) և հայտնաբերել սանիտարահիգիենիկ նորմերի կոպիտ խախտումներ:

Մասնավորապես՝

-արտադրամասի հատակների, պատերի մակերևույթները պատրաստված չեն եղել անջրանցիկ, լվացվող, ախտահանվող և ոչ թունավոր նյութերից,

- առաստաղները ապահով չեն եղել, չի կանխարգելվել կեղտի կուտակումը, բորբոսի առաջացումը, մասնիկների թափվելու հնարավորությունը, խոնավության խտացումը,

- դռները եղել են ոչ հարթ, պատրաստված չեն եղել չներծծող նյութերից,

- արտադրամասի նախագծումը, կառուցվածքը, դասավորվածությունը չեն բացառել պարենային հումքի և սննդամթերքի, աղտոտված և մաքուր գույքի խաչաձևող հոսքերը,

-արտադրամասը չի ունեցել սանհանգույց, ինչպես նաև հանդերձարան անձնակազմի համար։

Արտադրամասի արտադրական գործունեությունը կասեցվել է, սահմանվել է հայտնաբերված խախտումները վերացնելու ժամկետ:

Սննդամթերքի անվտանգության տեսչական մարմնի տեսուչների կողմից իրականացված վերահսկողական միջոցառման արդյունքում կասեցվել է «Ս․Տիգրանյան և որդիներ» արտադրական կոոպերատիվին պատկանող «Դրախտ» ապրանքանիշի գազավորված ոչ ալկոհոլային ըմպելիքների արտադրամասի արտադրական գործունեությունը (Շիրակի մարզ, ք․ Գյումրի):

Այս կազմակերպությունում առկա են եղել սննդամթերքի անվտանգության հետ անհամատեղելի սանիտարահիգիենիկ պայմանների խախտումներ.

այսպես՝

- արտադրամասի հատակների, պատերի մակերևույթները պատրաստված չեն եղել անջրանցիկ, լվացվող, ախտահանվող և ոչ թունավոր նյութերից,

- առաստաղներն ապահով չեն եղել, չի կանխարգելվել կեղտի կուտակումը, բորբոսի առաջացումը, մասնիկների թափվելու հնարավորությունը, խոնավության խտացումը,

- դռները եղել են ոչ հարթ, պատրաստված չեն եղել չներծծող նյութերից,

- արտադրամասի նախագծումը, կառուցվածքը, դասավորվածությունը չեն բացառել պարենային հումքի և սննդամթերքի, աղտոտված և մաքուր գույքի խաչաձևող հոսքերը,

- արտադրամասը չի ունեցել սանհանգույց, ինչպես նաև անձնակազմի համար նախատեսված հանդերձարան։

Տնտեսավարողին հանձնարարվել է ձեռնարկել անհրաժեշտ միջոցներ և սննդի կառույցը համապատասխանեցնել Մաքսային միության տեխնիկական կանոնակարգի պահանջներին, սահմանվել է վերջնաժամկետ:

Հիշեցնենք, որ ՍԱՏՄ-ն վերջին օրերին պարբերաբար հաղորդագրություններ է տարածում Հայաստանի տարբեր բնակավայրերում ոչ ալկոհոլային գազավորված ըմպելիքների արտադրամասերի արտադրական գործունեությունը կասեցնելու մասին։