Կասեցվել է «Արծվաբերդ» ապրանքանիշի գազավորված ոչ ալկոհոլային ըմպելիքների արտադրամասի արտադրական գործունեությունը

Կասեցվել է անհատ ձեռնարկատեր Ասատուր Վիրաբյանին պատկանող (Տավուշի մարզ, Բերդ համայնք, Արծվաբերդ բնակավայր) «Արծվաբերդ» ապրանքանիշի գազավորված ոչ ալկոհոլային ըմպելիքների արտադրամասի արտադրական գործունեությունը:

«Արմենպրես»-ի փոխանցմամբ՝ այդ մասին հաղորդագրություն է տարածել Սննդամթերքի անվտանգության տեսչական մարմինը։ Սննդամթերքի անվտանգության տեսչական մարմնի տեսուչներն այս արտադրամասում հայտնաբերել են օրենսդրությամբ սահմանվ ած սանիտարահիգիենիկ պահանջների խախտումներ:

Այսպես՝

- արտադրական շինության նախագծումը, կառուցվածքը, դասավորվածությունը և չափսը չի ապահովել տեխնիկական սարքավորումների անհրաժեշտ տեխնիկական սպասարկումը և ընթացիկ վերանորոգումը,

- պատշաճ չեն իրականացվել արտադրական շինությունների մաքրման, լվացման, ախտահանման, միջատազերծման և կրծողների ոչնչացման գործընթացները,

- հատակների, պատերի մակերևույթները պատրաստված չեն եղել անջրանցիկ, լվացվող, ախտահանվող նյութերից,

- արտադրմասը սարքավորված չի եղել բնական և մեխանիկական օդափոխության միջոցներով:

Հայտնաբերված խախտումները վերացնելու համար սահմանվել է ժամկետ: