Շրջանառության մեջ է դրվել երկու նոր նամականիշ՝ նվիրված «Մեծանուն հայեր. Գրիգոր Խանջյանի ծննդյան 100-ամյակ» թեմային
1 րոպեի ընթերցում
2026 թվականի օգոստոսի 3-ին շրջանառության մեջ է դրվում երկու նամականիշ՝ նվիրված «Մեծանուն հայեր. Գրիգոր Խանջյանի ծննդյան 100-ամյակ» թեմային:
Ինչպես «Արմենպրես»-ը տեղեկանում է «ՀայՓոստ»-ի տարածած հաղորդագրությունից, 320 ՀՀ դրամ անվանական արժեքով նամականիշի վրա պատկերված է հայ մեծանուն նկարիչ, ՀԽՍՀ և ԽՍՀՄ ժողովրդական նկարիչ Գրիգոր Խանջյանը (1926-2000թթ.)` իր կտավներից մեկի խորապատկերին, իսկ 380 ՀՀ դրամ անվանական արժեքով նամականիշը ներկայացնում է իր «Արևածաղիկներ» (1970թ.) կտավը:
Նամականիշների վրա առկա են նաև «100 ԱՄՅԱԿ», «ԳՐԻԳՈՐ ԽԱՆՋՅԱՆ» և «Հայ նկարիչ» գրառումները՝ հայերեն և անգլերեն:
Թողարկման օրը` 03 օգոստոսի 2026թ.
Դիզայնը՝ Դավիթ Դովլաթյանի
Տպարանը` bpost Philately & Stamps Printing, Բելգիա
Չափսերը` 40,0 x 40,0 մմ
Մեկ թերթի վրա՝ 8 հ.
Տպաքանակը՝ 10 000 հ. x 2