1 րոպեի ընթերցում
Կանադան պատրաստ է պատասխանելու ԱՄՆ-ի նոր մաքսատուրքերին, եթե երկրներին չհաջողվի հասնել առևտրային համաձայնության: «Արմենպրես»-ի փոխանցմամբ՝ այս մասին հայտարարել է Կանադայի վարչապետ Մարկ Քարնին։
«Եթե համաձայնություն չլինի, ապա մենք պատրաստ ենք քննարկելու հակազդման բոլոր տարբերակները, դրանք կախված են բանակցությունների արդյունքից: Նախապես պատասխանելու հարկ չկա, կարծում եմ, որ դա այս փուլում անարդյունավետ կլինի», - ասել է Քարնին, որի ելույթը հեռարձակել է CTV News հեռուստաալիքը։
Հուլիսի 21-ին ԱՄՆ նախագահ Դոնալդ Թրամփը 50%-ի չափով ներմուծման լրացուցիչ մաքսատուրքեր է սահմանել կանադական արտադրանքի համար՝ ի պատասխան Կանադայի կողմից ամերիկյան մեքենաների, կաթնամթերքի և ալկոհոլի նկատմամբ, նրա խոսքով, «անհավասար վերաբերմունքի»։
Մաքսատուրքերի գործողությանը չեն ենթարկվի էներգակիրները, կալիումը, ինչպես նաև ծովամթերքը և կարևորագույն հանքանյութերը: Սպասվում է, որ մաքսատուրքերն ուժի մեջ կմտնեն օգոստոսի 19-ին: