Ֆրանսիայի օրենսդիրները հաստատել են մանկապիղծների ցմահ ազատազրկման մասին նախաձեռնությունը

Ֆրանսիայի օրենսդիրները հաստատել են ցմահ ազատազրկման սահմանումն այն անձանց համար, ովքեր պարբերաբար բռնաբարել են 15 տարին չլրացած անչափահասների։

Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին հայտնում է «Ֆրանս պրես»-ը։

«Երեքշաբթի՝ հուլիսի 21-ին, երեխաների պաշտպանության մասին օրինագծի՝ ամբողջությամբ ընդունմանն ուղղված քվեարկությանը նախորդած կրկնակի քվեարկության ընթացքում օրենսդիրները հաստատեցին ցմահ ազատազրկման կիրառումն այն անձանց նկատմամբ, ովքեր կատարել են մինչև 15 տարեկան անչափահասների նկատմամբ սերիական բռնաբարություններ», - նշվում է զեկույցում։

Գործակալությունը նշում է, որ Ֆրանսիայի օրենսդիրները 258 ձայնով հաստատել են նախաձեռնությունը, մինչդեռ 84 պատգամավոր քվեարկել է դեմ։