ԱՄՆ-ն ավարտել է Իրանի դեմ հարվածների իններորդ ալիքը

ԱՄՆ Կենտրոնական հրամանատարությունը (CENTCOM) հայտնել է, որ հաջողությամբ է իրականացրել Իրանի դեմ հարվածների իններորդ անընդմեջ գիշերային գործողությունը։

«CENTCOM-ի ուժերը թիրախավորել են Իրանի ռազմական հրամանատարական կենտրոնները, հակաօդային պաշտպանության և առափնյա վերահսկողության օբյեկտները, ծովային կարողությունները, հրթիռների և անօդաչու թռչող սարքերի արձակման վայրերը, ինչպես նաև կապի ցանցերը՝ հետագայում նվազեցնելու Իրանի կարողությունը՝ հարձակվելու Հորմուզի նեղուցով անցնող առևտրային նավերի և քաղաքացիական նավաստիների վրա»,- «Արմենպրես»-ի փոխանցմամբ, ասվում է X-ի էջում CENTCOM-ի հրապարակման մեջ։

 Զինված ուժերը հայտնել են, որ գլխավոր հրամանատարի ցուցումով իրանական գործողությունների համար «պատասխանատվության են ենթարկում Թեհրանին»։