1 րոպեի ընթերցում
Իսրայելական բանակը հայտարարել է, որ իր ուժերը և Իսրայելի անվտանգության գործակալությունը՝ «Շին Բեթ»-ը, Գազայի հարավային Խան Յունիս շրջանում սպանել են պաղեստինյան ՀԱՄԱՍ շարժման հրամանատարին։
«Արմենպրես»-ի փոխանցմամբ՝ այս մասին հայտնում է Aljazeera-ն։
Իսրայելի բանակի հայտարարության մեջ նշվում է, որ Անաս Մահմուդ Ահմադ Համդանը սպանվել է հինգշաբթի օրը՝ նրան անվանելով ՀԱՄԱՍ-ի ավագ առաջնորդների «աջ ձեռքը»։
Իսրայելական բանակը հավելել է, որ Համդանը «կենտրոնական դեմք» էր Գազայի հատվածում գերիներին պահելու և նրանց Իսրայել վերադարձնելու գործընթացում։
ՀԱՄԱՍ-ը, սակայն, դեռևս չի մեկնաբանել իր հրամանատարի ենթադրյալ մահվան մասին լուրը։