367.12
Քարակերտի լցակայանում կասեցվել է բենզինի և հեղուկացված գազի վաճառքը
1 րոպեի ընթերցում
ՀՀ շուկայի վերահսկողության տեսչական մարմինը վառելիքի ոլորտում հայտնաբերել է չստուգաչափված սարքավորումների շահագործման դեպք։ Ինչպես «Արմենպրես»-ին տեղեկացրին ՀՀ շուկայի վերահսկողության տեսչական մարմնից, վերահսկողական գործողություններ են իրականացվել բենզինի և հեղուկացված ածխաջրածնային գազի վաճառքով զբաղվող «Հայր և որդի Գալստյաններ» ՍՊԸ-ին պատկանող լցակայանում։
Լցակայանը գտնվում է Արմավիրի մարզի Քարակերտ գյուղում՝ 5 հարկերի փողոց, թիվ 3 հասցեում։
Ստուգմամբ պարզվել է, որ ընկերությունը շահագործել է չստուգաչափված չափիչ միջոցներ։ Արդյունքում կասեցվել է լցակայանի բենզինի և հեղուկացված ածխաջրածնային գազի վաճառքը՝ մինչև հայտնաբերված խախտումների վերացումը։
Ընկերության տնօրենին հանձնարարվել է ձեռնարկել անհրաժեշտ միջոցներ և սահմանված ժամկետում վերացնել խախտումը։
Հայտնաբերված խախտումների հիմքով տնտեսվարող սուբյեկտը օրենքով սահմանված կարգով կենթարկվի վարչական պատասխանատվության։
Բաժանորդագրվեք մեր ալիքին Telegram-ում