Նիդեռլանդներն Ուկրաինայի հետ համաձայնագիր է ստորագրել անօդաչու թռչող սարքերի համատեղ արտադրության վերաբերյալ
1 րոպեի ընթերցում
Նիդեռլանդներն Ուկրաինայի հետ համաձայնագիր է ստորագրել, որն ուղղված է անօդաչու թռչող սարքերի արտադրության ոլորտում լայնածավալ համագործակցությանը։
Ինչպես տեղեկացնում է «Արմենպրես»-ը, այդ մասին հայտնել է Նիդեռլանդների վարչապետ Ռոբ Յետենը։
«ՆԱՏՕ-ի գագաթնաժողովի ընթացքում Ուկրաինայի նախագահ Զելենսկին և ես ստորագրեցինք անօդաչու թռչող սարքերի վերաբերյալ համաձայնագիր։ Այն հիմք է ստեղծում Ուկրաինայի և Նիդեռլանդների միջև անօդաչու թռչող սարքերի համատեղ արտադրության շուրջ լայնածավալ և կառուցվածքային համագործակցության համար», - հայտնել է Յետենը։
Նա նշել է, որ տվյալ համաձայնագիրը երկրներին հնարավորություն կտա փոխանակվել նորարարություններով և համատեղ մեծացնել անօդաչու թռչող սարքերի արտադրության ծավալները։