Լեհաստանում Բելառուսի հետախուզական ծառայությունների համար լրտեսության կասկածանքով երկու մարդ է ձերբակալվել

2 րոպեի ընթերցում

Լեհաստանի անվտանգության ծառայությունները ձերբակալել են Բելառուսի և Լեհաստանի քաղաքացիների, ովքեր կասկածվում են Բելառուսի հետախուզական ծառայությունների համար լրտեսական գործունեություն իրականացնելու մեջ։ «Արմենպրես»-ի փոխանցմամբ, այդ մասին հուլիսի 2-ին հայտնել է Լեհաստանի անվտանգության ծառայությունների խոսնակ Յացեկ Դոբժինսկին։

Նրա խոսքով՝ Բելառուսի հետախուզության կողմից վարձված անձինք Վարշավայում մասնակցել են բելառուսական համայնքի կողմից կազմակերպված միջոցառումներին, որտեղ լուսանկարել և տեսագրել են մասնակիցներին։

«Հավաքված նյութերը՝ փոխանցված արևելյան սահմանով, օգտագործվել են [Բելառուսի նախագահ Ալեքսանդր] Լուկաշենկոյի ծառայությունների և ռեժիմի քարոզչության կողմից»,- գրել է նա X սոցիալական հարթակում։

Նշվում է, որ այս ձերբակալությունները կապված են ավելի լայն գործի հետ, որի շրջանակում արդեն անցյալ տարվա նոյեմբերին կալանավորվել էին երեք բելառուս և երկու ուկրաինացի քաղաքացի։

Դատարանի որոշմամբ՝ Բելառուսի 19-ամյա քաղաքացին կալանավորվել է երեք ամսով, իսկ Լեհաստանի 44-ամյա քաղաքացուն արգելվել է լքել երկիրը, նա գտնվում է ոստիկանության վերահսկողության տակ։

Ինչպես հաղորդում է Reuters-ը, Լեհաստանը բազմիցս մեղադրել է Բելառուսին և նրա դաշնակից Ռուսաստանին իր տարածքում լրտեսական գործողություններ իրականացնելու մեջ, ինչը երկու երկրներն էլ հերքում են։

Մեծ թվով բելառուս ընդդիմադիրներ ապաստան են գտել Լեհաստանում՝ հատկապես 2020 թվականի ընտրություններից հետո տեղի ունեցած զանգվածային բողոքի ակցիաների ճնշումից հետո։

Հայերեն Русский

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը