Յուրգեն Կլոպը ցանկություն ունի գլխավորելու Գերմանիայի ազգային թիմը

Դորտմունդի «Բորուսիա»-ի  և անգլիական «Լիվերպուլ»-ի նախկին գլխավոր մարզիչ Յուրգեն Կլոպը հետաքրքրված է Գերմանիայի հավաքականը գլխավորելու հեռանկարով:

«Արմենպրես»-ի հաղորդմամբ` այս մասին հայտնում է լրագրող և ինսայդեր Ֆաբրիցիո Ռոմանոն:

Ըստ աղբյուրի՝ մարզչական գործունեությունից դադար վերցրած Կլոպը դեմ չէր լինի վերադառնալ աշխատանքի, եթե գերմանական ֆուտբոլային միությունը հրավիրեր նրան: Ընդ որում, նշվում է, որ Գերմանիայի հավաքականի գործող գլխավոր մարզիչ Յուլիան Նագելսմանը ցանկանում է մնալ ազգային թիմում:

Գերմանիայի հավաքականը դուրս է մնացել «Մունդիալ»-ից՝ 1/32 եզրափակչում պարտվելով Պարագվայի հավաքականին։  Խաղի հիմնական ժամանակն ավարտվել է 1-1 հաշվով, լրացուցիչ ժամանակում գոլեր ևս չեն գրանցվել։ Հետխաղյա 11 մետրանոց հարվածաշարի ժամանակ ավելի հաջողակ են գտնվել պարագվայցիները։