1 րոպեի ընթերցում
Պակիստանի ներքին գործերի նախարար Մոհսին Ռազա Նակվին մեկնել է Թեհրան՝ Իրանի և ԱՄՆ-ի միջև հնարավոր երկխոսության կազմակերպմանն աջակցելու նպատակով։ «Արմենպրես»-ի հաղորդմամբ՝ այս մասին հայտնում է իրանական IRNA լրատվական գործակալությունը։
Գործակալության տվյալներով՝ Նակվիի այցը տեղի է ունենում միջնորդական ջանքերի ֆոնին, որոնք ուղղված են Իրանի միջուկային ծրագրի և պատժամիջոցների վերացման հարցերի շուրջ Թեհրանի և Վաշինգտոնի միջև բանակցությունների կազմակերպմանը։
IRNA-ի փոխանցմամբ՝ Պակիստանի ներքին գործերի նախարարը Թեհրանում մի շարք հանդիպումներ կունենա Իրանի իշխանությունների ներկայացուցիչների հետ։