1 րոպեի ընթերցում
Ռուսաստանի կողմից Ուկրաինայի հյուսիսարևելյան Սումիի շրջանի վրա ավիահարվածների, դրոնային և հրթիռային հարձակումների հետևանքով զոհվել է երկու մարդ, ևս երկուսը վիրավորվել են։ Ինչպես հաղորդում է «Արմենպրես»-ը՝ վկայակոչելով Reuters-ը, այս մասին հունիսի 19-ին հայտնել է Ուկրաինայի ոստիկանությունը։
Խարկովում՝ Ուկրաինայի երկրորդ խոշոր քաղաքում, ռումբերի հարվածների հետևանքով բժշկական օգնության կարիք է ունեցել ևս ինը մարդ, այդ թվում՝ չորս երեխա։ Այս մասին «Տելեգրամ»-ի իր էջում հայտնել է քաղաքապետ Իգոր Տերեխովը։
Իսկ Ռուսաստանի պաշտպանության նախարարությունը հայտնել է, որ լույս հունիսի 19-ի գիշերը ՌԴ զինված ուժերը երկրի մի քանի շրջաններում և Սև ծովում ոչնչացրել են ուկրաինական 133 անօդաչու թռչող սարք։