Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին
1 րոպեի ընթերցում
Իրանի Գերագույն հոգևոր առաջնորդ Մոջթաբա Խամենեին հայտարարություն է տարածել Միացյալ Նահանգների հետ ձեռք բերված համաձայնության վերաբերյալ՝ նշելով, որ հաստատել է խաղաղության գործարքը՝ թեպետ ունեցել է «այլ տեսակետ»։ Ինչպես հաղորդում է «Արմենպրես»-ը՝ վկայակոչելով Tehran Times-ը, Խամենեին մասնավորապես նշել է, որ «հենց Միացյալ Նահանգների նախագահն էր, ով հուսահատությունից դրդված դիմեց տարբեր միջոցների՝ այս արդյունքին հասնելու համար»։
«Սկզբունքորեն ես ունեցել եմ այլ կարծիք։ Այնուամենայնիվ, հիմնվելով Իրանի ժողովրդի իրավունքները պաշտպանելու վերաբերյալ [Իրանի] նախագահի՝ որպես Գերագույն ազգային անվտանգության խորհրդի ղեկավարի կողմից ստանձնած պարտավորության վրա, ես թույլատրեցի այս քայլի իրականացումը։ Նա նաև հստակ հայտարարել է, որ եթե ամերիկյան կողմը ներկայացնի չափազանցված զիջումների պահանջներ, դրանք չեն ընդունվի»,- ասվում է հայտարարության մեջ։
Մոջթաբա Խամենեիի խոսքով՝ ԱՄՆ-ի հետ «դեմ առ դեմ բանակցություններ» կանցկացվեն ապագայում, սակայն դա չի նշանակում «ընդունել հակառակ կողմի տեսակետը»։